"МИЛЛИ КЕЙЕМ КӨНӨ МЕНӘН!"

"МИЛЛИ КЕЙЕМ КӨНӨ МЕНӘН!" Бөгөн республикала иң сағыу һәм матур байрамдарҙың береһе — Милли кейем көнө билдәләнә. Милли кейем –һәр халыҡтың тарихын, йолаларын, йәшәү рәүеше үҙенсәлектәрен сағылдырған мәҙәни һәм рухи мираҫы. Бөгөнгө байрам халҡыбыҙҙың бай мәҙәниәтенә тағы ла бер тапҡыр мөрәжәғәт итергә, мәҙәни-рухи мираҫыбыҙҙы һаҡлап, үҫеп килеүсе быуынға бөтә матурлығында күрһәтергә, тапшырырға мөмкинлек бирә. Милли кейем көнө менән! "Милли кейем – ул халҡымдың Сағылышы, йөҙө. Оҫта ҡулы, көс-ҡеүәте, Сәсәнлеге, һүҙе. Ҡыҙҙарының гүзәллеге, Ир-атының сәме. Ағинәйҙәр аҡылы ла, Аҡһаҡалдар ғәме. Милли кейем – ул халҡымдың Ҡабатланмаҫ йәме. Бал-ҡорото, сәксәгенең, Ҡымыҙының тәме. Меңдәр янында танытҡан Рух осошо, йәне. Һаҡла, халҡым, үҙ йөҙөңдө, Һис таплама, йәме! Милли кейем – ул халҡымдың Еҙ ҡурайҙар моңо. Уралтауы, Шүлгәнташы, Аҡ ҡылғандар сыңы. Һомайғоштоң ҡөҙрәте лә, Аҡбуҙаттың һыны. Быуаттарҙан ауаз һалған Ата-баба тыны. Киләсәккә бурысыбыҙ – Беҙ һаҡлайыҡ уны. Милли кейем – бөйөк биҙәк, Онотмайыҡ шуны!" ӨЛКӘН ТӨРКӨМӨ "СЕМИЦВЕТИК" БАЛАЛАРЫ, БОРАЙ АУЫЛЫ «ЙӘЙГОР» 2-СЕ ҺАНЛЫ БАЛАЛАР БАҠСАҺЫ #учусьвнациональномкостюме #Милликейемдәуҡыйбыҙ #МиллиКейемКөнө2025 #ДеньНациональногоКостюма2025 #национальныйэлемент #миллиэлемент